Појадок: Протеинско смути

Во блендер ставаме една средна банана, Balans+ јогурт, 1 јајце, 1 лажичка какао, 1 лажичка ленено семе и 30 g бадеми. Блендираме се до изедначување на смесата. 1 шолја црно кафе.

***Бананата е добар извор на калиум, магнезиум и витамин Б6. Исто така е добар извор на енергија поради јаглехидратите кои ги содржи, а најважно од се’ одличен извор на диетни влакна кои имаат главно учество во одржување на балансот на дигестивното здравје. Во комбинација со Balans+ јогуртот е одличен избор за совршен хранлив појадок.

Ручек: Брза салата со црвен грав

Од 1 црвен грав во конзерва, неколку листови марула, 1 младо кромитче, 2 ротквици, 1 морков, 1 краставица, 1 лажица ленено семе, малку хималајска сол и сок од лимон. Се меша и се јаде.

Ужинка: 180 g јагоди и шолја сварена цикорија

Вечера: Tркалца од тиквчички со прелив од маслинки

Грилuваме неколку тркалца тиквички кратко на маслиново масло. На страна во блендер блендираме маслинки без семка, магдонос, лукче и малку млад кромид. На секое тркалце тиквичка поединечно му ставаме од преливот и поросуваме со ситно сечкан магдонос.

Автор: Александра Пренџова (aleksandraleova@gmail.com) – Дипл.нутриционист и технолог по исхрана