Истражување спроведено во американскиот универзитет Џон Хопкинс покажало дека јогата помага во ублажување на болките предизвикани од артритис.

Резултатите се добиени со набљудување на 75 повозрасни испитаници кои страдале од артритис или остеоартритис на колената.

Во текот на два месеци, учесниците вежбале јога три пати неделно, а по завршувањето на периодот за набљудување кај нив било забележано подобрување на општото физичко, но и психичко здравје.

Во претходни истражувања веќе е утврдено дека јогата е поврзана со смалување на воспалителните процеси во зглобовите, една од причините за поединечни видови артритис.