n Пред да почнете да трчате… - Balansplus.mk
Пред да почнете да трчате…
29/06/2016

1. Инвестирајте во квалитетни патики за трчање

Правилото кога купувате патики за трчање е дека треба да изберете половина или еден број поголеми патики од бројот на чевли што ги носите во канцеларија.

2. Не размислувајте по принципот „Сѐ или ништо“

Размислувањата дека ако по кратко трчање се чувстувате добро, па, следствено, по долго трчање би се чувствувале уште подобро, се погрешни. Стрзтешките паузи со одење меѓу трчањето му овозможуваат на телото да се адаптира, а исто така и се избегнуваат болки. Џес Андерхил, сопственик на велнес-центар во Њујорк, предлага распоред за временски интервали за трчање и паузи за оние што почнуваат од нула:

 

  • Недела 1-2: една минута трчање, три минути одење (се повторува 7 пати)
  • Недела 3-4: две минути трчање, две минути одење (се повторува 7 пати)
  • Недела 5-6: три минути трчање, една минута одење (се повторува 7 пати)
  • Недела 7-8: 30-минутно трчање

 3. Одберете добро место за трчање

Ако сте навикнати на користење фитнес-справи, како, на пример статичен велосипед, тогаш трчањето може да му предизвика шок на вашиот организам. Нерамен терен, како мешавина на трева и кал, може да биде предизвикувачки за почетници. Сепак, најдоброто место за трчање е она што е најлесно достапно.

4.Слушајте музика

Не потценувајте ја моќта на музиката. Мотивациските текстови и ритамот на музиката можат само да ви помогнат да заборавите на тоа колку сте изморени. Најдете го ритамот што ви одговара, а притоа внимавајте да не ве поттикне да трчате пребрзо и да се изморите.

 5.  Подгответе го организмот

Иако трчањето на кратки патеки не бара премногу храна, сепак каснете нешто што лесно може да се свари пред трчањето, на пример, банана или гранола-бар. 30 минути по трчањето јадете храна со јаглехидрати и протеини во сооднос 3:1. Ова може да го постигнете со пиење Fit крем-јогурт со тиква и цимет или мед, орев и житарки.

6. Не заборавајте ги другите видови вежбање

Иако е многу важно да трчате, не треба да се заборават и другите форми на вежби. Ваквите промени може да подразбираат вежбање по дома или пливање.

Коментари