Studim klinik mbi ndikimin pozitiv të kosit Balans+ te pacientët

PËRMBAJTJA

E BLOGUT

Pse u krye studimi klinik mbi përdorimin e kosit Balans+?

Metodat e studimit klinik – ja se si QKS “Bezhanijska kosa” dëshmoi efektin e tij pozitiv

Rezultatet e studimit klinik – si ndikoi kosi te pacientët?

Rëndësia e studimit klinik

Vetitë pozitive të vërtetuara klinikisht të produkteve që konsumojmë, janë një garanci e rëndësishme se po bëjmë diçka vërtet të mirë për organizmin tonë. Fatkeqësisht, produkte të tilla janë të pakta, kështu që ndërgjegjësimi për ekzistencën dhe përzgjedhjen e ushqimeve të cilësisë më të lartë dhe të testuara klinikisht, është jashtëzakonisht i rëndësishëm përballë një oferte të larmishme, por jo domosdoshmërisht me cilësi të lartë, të produkteve ushqimore.

Kosi i fermentuar Balans+ është spikatur për më shumë se një dekadë si i vetmi kos i testuar klinikisht në treg, ndërsa një studim klinik i kryer në vitin 2009 tregoi se kosi ka shumë përfitime shëndetësore, duke e bërë atë më shumë se thjesht një shtojcë për një mëngjes të shëndetshëm.

Kosi i parapëlqyer Balans+ prej vitesh është pjesë e shijshme e çdo vakti dhe mesvakti të konsumatorëve tanë, me një sërë ndikimesh të dobishme dhe të testuara klinikisht, që nxisin tretjen normale dhe një sërë procesesh të tjera në trup.

Zbuloni se si shkoi studimi klinik që e bëri këtë kos unik ndër produktet e qumështit më të kërkuara në treg dhe pse përkrahësit e një jetese të shëndetshme e konsumojnë atë çdo ditë.

Pse u krye studimi klinik mbi përdorimin e kosit Balans+?

Kosi probiotik Balans+ përmban një kombinim të dy kulturave probiotike (Lactobacillus acidophilus LA-5 dhe Bifidobacterium BB-12) me oligofruktozën prebiotike, të bashkuara në kompleksin Bifido Digestio.

Qëllimi i studimit klinik, të kryer në periudhën janar-prill  të vitit 2009, në QKS “Bezhanijska kosa”, ishte përcaktimi i efektit të kësaj formule te pacientët me çrregullime funksionale të sistemit të tretjes, te të cilët përjashtoheshin sëmundjet e rënda shoqëruese.

Përveç kësaj, konsumimi i rregullt i kosit tonë probiotik pati një efekt pozitiv edhe në simptomat e depresionit të subjekteve, të cilat u zbutën në një masë të ndjeshme pas kësaj periudhe.

Studime të ngjashme klinike të klinikave të huaja

Shtysë e fortë për këtë studim klinik ishin studime të ngjashme, të kryera tashmë në Shtetet e Bashkuara të Amerikës, Suedi, Zvicër, Francë, Egjipt dhe disa vende të tjera.

Qëllimi i studimeve të klinikave të huaja në këto vende ishte shqyrtimi i ndikimit të kompleksit të përmendur Bifido Digestio te pacientët geriatrikë dhe të palëvizshëm me kapsllëk, pacientët me terapi intensive me antibiotikë, të cilët kishin përjetuar efekte anësore, si dhe pacientët me diarre udhëtimi.

Studimi përfshiu si pacientë me kolit ulceroz, të cilët i ishin nënshtruar proktokolektomisë, ashtu edhe pacientë me vlera të rritura të kolesterolit dhe rezultatet konfirmuan efektin pozitiv të kompleksit Bifido Digestio, i cili ishte objekti kryesor i studimit.

Metodat e studimit klinik – ja se si QKS “Bezhanijska kosa” dëshmoi efektin e tij pozitiv

50 pacientë të moshës 18 deri në 75 vjeç u përfshinë në studimin klinik 60 ditor, të kryer në QKS “Bezhanijska kosa”.

Pacientët u përfshinë në studim sipas kriterit të çrregullimeve funksionale të sistemit të tretjes, të cilat manifestohen me fryrje dhe dhimbje barku. Një faktor përjashtimi ishin çrregullimet e aparatit tretës me prejardhje organike, si dhe personat me probleme të ngjashme, që trajtoheshin për sëmundje të tjera më të rënda.

Konsumimi ditor i kosit me ekzaminime dhe konsulta të rregullta

Pacientët që përbënin grupin e synuar të studimit tonë klinik konsumuan 500 g produkt probiotik të qumështit të fermentuar Balans+ në ditë, të ndarë në dy doza.

Kjo është edhe sasia ditore që u rekomandohet të gjithë konsumatorëve të kosit tonë, në mënyrë që vetitë e tij të manifestohen në mënyrë optimale dhe të veprojnë në organizëm në mënyrën e pritur.

Për të vëzhguar në hollësi ndryshimet në gjendjen e pacientëve, bëheshin kontrolle të rregullta duke filluar nga dita zero, kur iu kryen ekzaminimet internistike dhe iu bë pasqyra e plotë e gjakut dhe analiza biokimike.

Përveç kësaj, u krye edhe një anketë standarde shëndetësore, si dhe anketa e Beckut për depresionin, ndërsa të gjitha barnat e tjera ndihmëse u përjashtuan nga terapia e pacientëve gjatë kohëzgjatjes së këtij studimi. Gjatë kohëzgjatjes së studimit klinik, u bënë gjithsej 14 vizita, gjatë të cilave pacientët hulumtuan efektet anësore apo shqetësimet e mundshme.

Rezultatet e studimit klinik – si ndikoi kosi te pacientët?

Që studimi klinik rezultoi i suksesshëm, si për vetë pacientët, ashtu edhe për kosin tonë Balans+, treguan rezultatet më se të suksesshme që u matën saktë.

Studimi klinik vërtetoi se kosi Balans+ rregullon me sukses tretjen, edhe atë vetëm pas 10 ditësh përdorimi. Këtë e tregoi analiza e të dhënave që kanë të bëjnë me periudhën më të hershme të studimit klinik, ndërsa ndryshimet pozitive mbetën të palëkundshme deri në fund të studimit.

Pas 60 ditëve të studimit klinik, u konstatua një përmirësim në gjendjen e 37% deri në 72% të pacientëve. Normalizimi i konsistencës së jashtëqitjes u vu re në 72% të pacientëve.

Ndjesia e fryrjes është një nga problemet më të mëdha kur bëhet fjalë për problemet me aparatin tretës dhe konsumimi i rregullt i kosit Balans+ gjatë studimit klinik çoi në zhdukjen e kësaj ndjesie të pakëndshme te 37% të pacientëve.

Efekte të tjera pozitive të konsumimit të rregullt

Përveçse çon në një përmirësim të dukshëm kur bëhet fjalë për problemet me aparatin tretës, konsumimi i rregullt i kosit probiotik Balans+ kontribuoi edhe në aspekte të tjera të shëndetit dhe mirëqenies së pacientëve.

Në fund të studimit klinik, u konstatua se kishte një ndryshim të rëndësishëm në BMI (indeksi i masës trupore) në ditën e fundit, në krahasim me ditën e parë të studimit, ndërsa ndryshim u konstatua edhe në përqindjen e yndyrës trupore që u ul dhe në sasinë e ujit të trupit që u rrit.

Konsumimi i kosit ndikoi pozitivisht në shkallën e depresionit, ndërsa ndryshimi u pasqyrua edhe në përmirësimin e shkallës së Beckut për depresionin, edhe atë me një shkallë. Pacientët që ishin me depresion të lehtë në fillim të studimit klinik, nuk i patën këto simptoma në fund të studimit, ndërsa ata që ishin me depresion mesatar, ishin në depresion të lehtë në fund të studimit.

Rëndësia e studimit klinik

Rëndësia jashtëzakonisht e madhe e këtij studimi pasqyrohet në konfirmimin klinik të kontributit pozitiv të kosit Balans+ për shëndetin dhe humorin, e mbi të gjitha për një aparat tretës të shëndetshëm dhe funksional, të cilin të anketuarit tanë e kishin problem.

Fakti që gjatë gjithë studimit klinik nuk pati efekte negative apo ndryshime të padëshiruara në gjendjen apo sjelljen e pacientëve, flet për kontributin pozitiv të kosit në gjendjen e pacientëve, për ç’arsye kosi rekomandohet si ushqim i përshtatshëm për këdo që dëshiron një pije cilësore dhe të shijshme për të shoqëruar vaktin.

Balans+ është i vetmi kos i testuar klinikisht në treg

Rëndësia më e madhe e kryerjes së studimit klinik qëndron në faktin se Balans+ është i vetmi kos i testuar klinikisht në treg, gjë që përbën garanci për cilësinë dhe kontributin e tij në shëndetin dhe mirëqenien e përgjithshme gjatë gjithë ditës.

Sipas kësaj, duke e zgjedhur këtë kos, ju po zgjidhni një pije që jo vetëm do t’ju plotësojë vaktin e shijshëm, por do të ndikojë pozitivisht edhe në metabolizmin tuaj, në problemet me tretjen dhe në humor.

Shumë produkte të qumështit në treg janë të shijshme dhe të përballueshme, por vetëm një është i shijshëm, i përballueshëm dhe i dëshmuar klinikisht si i shëndetshëm për ju dhe familjen tuaj! Lejojini vetes 500 gr kos Balans+ çdo ditë, e cila është sasia optimale e kësaj pijeje që ofron përfitime të shumta shëndetësore.